Дачиќ не верува дека ќе дочека членство во ЕУ
На Балканскиот форум во Будимпешта, на кој присуствуваа министрите за надворешни работи на Македонија, Србија, Унгарија и Албанија, шефот на српската дипломатија Ивица Дачиќ рече дека не е оптимист дека ќе дочека овие земји да станат членки на ЕУ. Според него,мора да направиме се за да не им наштетиме на тие интеграции.
-Kрајно време за ЕУ да го реализира и потврди отворениот пат за Западен Балкан кон членство во ЕУ, даден уште во 2003 година на кој регионот напорно работи изминатите декади. 2030-та е реална цел за обединување на Европскиот континент преку вклучување на Балканот во ЕУ, беше пораката на македонскиот шеф на дипломатијата Бујар Османи. Според него, тоа ќе претставува охрабрување и за Украина, која соочена со директна воена агресија, исто така го брани нивниот избор за почитување и припаѓање кон европските вредности.