Бугарија и гарантира на Унгарија непречен проток на руски гас преку Турски тек
Бугарија и гарантира на Унгарија дека гасот од Руската Федерација ќе тече непречено низ Турскиот тек, изјави унгарскиот министер за надворешни работи и надворешни економски односи Петер Сијарто, пренесува РИА Новости.
„Постојано добивавме гаранции од Бугарија дека можеме да сметаме на нив во наредниот период, дека можеме да сметаме на нивниот коректен однос и дека гасоводот Турски тек ќе функционира како една од најбезбедните и најпредвидливите рути во Европа во иднина“, рече тој.
Сијарто додаде дека Унгарија и Бугарија соработуваат на нуклеарното поле, бидејќи Бугарија, како и Унгарија, планира во иднина да го зголеми уделот на нуклеарната енергија во енергетскиот биланс, се наведува во билтенот на Националниот одбор за нафта.