Беким Ќоку стана нов координатор на пратеничката група на „Вреди“

Пратеникот Беким Ќоку е новиот координатор на пратеничката група на „Вреди“, согласно официјалното известување доставено до претседателот на Собранието, Африм Гаши.

Како што соопштуваат од Собранието, за заменици-координатори се именувани пратениците Мерита Колчи Коџаџику и Аднан Азизи.

Ажурираниот состав на групата вклучува девет пратеници: Африм Гаши, Аднан Азизи, Беким Ќоку, Калтрина Беќири, Имерлије Салиу, Саранда Имери, Фериде Хаџиу, Мерита Колчи Коџаџику и Беким Сали. 

Петте пратеници на Алијансата за Албанците на Арбен Таравари не се во оваа пратеничка група. Досега координатор на пратеничката група на „Вреди“ беше Халил Снопче од АА. Денеска министерот за социјална политика, Фатмир Лимани, изјави дека четворица од петте пратеници на Алијансата ќе останеле во групата на „Вреди“.