Барак: Израел ги изгради бункерите под болницата Ал-Шифа во Газа
Поранешниот израелски премиер Ехуд Барак предизвика контроверзии откако во емисија на Си-ен-ен изјави дека Израел помогнал во изградбата на некои подземни простори под болницата Ал-Шифа во Газа.
Барак изјави дека бункерите што ги користел Хамас за терористички активности првично биле „изградени од израелски градежници“.
– Кога рековте дека се изградени од израелски инженери, дали погрешно кажавте?, го праша Кристијан Аманпур.
– Не, не, знаете, пред неколку децении го водевме местото … па им помогнавме … им помогнавме да ги изградат тие бункери за да овозможат повеќе простор за работа на болницата, наведе Барак.
Amanpour: "When you say [the bunker under al-Shifa] was built by Israeli engineers, did you misspeak?
Ehud Barak: "No, decades ago, we were running the place… we helped them to build these bunkers."
Amanpour: "Ok. That's sort of thrown me a little bit."pic.twitter.com/CTYfMij2V0— Mehdi Hasan (@mehdirhasan) November 21, 2023
„Тајмс оф Израел“ објави дека видеото е широко распространето на интернет и е претставено од израелските критичари како доказ дека Израел лаже дека Хамас гради тунели под Ал-Шифа и го користи медицинскиот комплекс за да се заштити од израелските напади.
Израелските власти тврдеа дека Хамас првично го присвоил подрумот на болницата, изграден од Израел кога сè уште владеел со Газа, и дека терористичката група оттогаш ископала уште неколку ката и додала тунели за да го направи местото центар на својот огромен подземен лавиринт.