Автобусите на ЈСП од утре во сообраќај од 5 часот

Автобусите на ЈСП „Скопје“ од утре ќе почнуваат да сообраќаат од 5 часот  со оглед на најновата одлука на Владата за забрана за движење на населението од 21 до 5 часот наместо до 6 како во изминатиот прв ден од полицискиот час.

Како и во изминатите денови  од прогласувањето на вонредната состојба, автобусите од градскиот превоз ќе сообраќаат по саботен возен ред.

-Одлуката ќе важи сѐ до наредните препораки, согласно со препораките и преземените мерки на Владата на РСМ за превенција од ширење на коронавирусот, соопшто Јавното сообраќајно претпријатие.