Апасиев го нападна Ѓорѓиевски – бил „маче со фејкерска напувана ароганција“
Претседателот на Левица, Димитар Апасиев, излезе со остра реакција по настапот на кандидатот на ВМРО-ДПМНЕ, Орце Ѓорѓиевски, на дебатата со Амар Мециновиќ, каде што Орце арогантно го нарече „хендикеп“ тоа што Мециновиќ работел физички и нископлатени работи за да го издржува своето семејство.
Во објава на Фејсбук, Апасиев го опиша Амар како „блескав млад човек кој живее со самохрана мајка, со просек 9,8 и кој течно зборува четири јазици“, но кој поради сиромаштијата бил принуден да ги стави студиите во мирување и да работи како градежен работник, на бензиска пумпа, во месара, како хонорарен новинар, диспечер и фриленсер.
„Имаш БРИЛИЈАНТЕН млад човек кој живее со самохрана мајка во Чаир и има просек 9,8 на политички студии. Но, сиромаштијата (во која нѐ втурнаа да живееме овие транзициски пацови) затропува и на вратата на ова семејство. Па, апсолвентот, кој течно говори четири јазици, мора да ги стави студиите во мирување и да почне да работи како градежен работник, на бензиска пумпа, во месара, како хонорарен новинар, диспечер и фриленсер – за да може да преживее и да плаќа сметки.