Американски функционер тврди дека Русија и Украина, зад затворени врати, покажуваат одредена флексибилност за територијалните прашања
Русија и Украина со добра волја пристапуваат кон преговорите за ставање крај на војната, со посредство на САД, изјави денеска американски функционер.
На брифинг, пред разговорите закажани за утре во Абу Даби, функционерот им рече на новинарите дека двете страни покажале одредена флексибилност во однос на територијалните прашања за време на дискусиите што се воделе зад затворени врати.
Американскиот функционер, кој побара да остане анонимен, нагласи дека овие прашања не можат да се решат сè додека не стане јасна повоената безбедносна архитектура.