Ахмети не е песимист, верува дека до крајот на јуни ќе се најде решение со Бугарија

Јас не сум во кампусот на песимистите и сметам дека до крајот на месецот ќе се најде решение за спорот со Бугарија и ќе има епилог во прилог на мирот, стабилноста и иднината, истакна вечерва на прес-конференција претседателот на Демократската унија за интеграција (ДУИ) Али Ахмети.

„Сега овој процес го олеснува претседателот Макрон. Јас верувам многу во иднината и затоа и верувам во решение на крај на јуни, затоа што има значајна ангажираност на нашите пријатели и сојузници и затоа верувам во нивната определба и олеснувањето кое што претседателот Макрон го презема врз себе за Балканот да биде посигурен, побезбеден, помирен, бидејќи доволно е да оставиме вакум или отворени и нерешливи теми или пак да ги одолговлекуваме проблемите за да имаме секакви искри тука“, рече Ахмети, одговарајќи на новинарско прашање по објавата на резултатите од изборите во партиските ограноци.

Ахмети потенцира дека тие се за решавање на проблемите и смета дека и за Бугарија е добро да се најде решение.

„Цел на нашето делување како политичка партија, но и секојдневното комуницирање што го имаме со нашите коалициски партнери и со опозициските партнери, велиме дека сега е моментот и сега треба да најдеме решение и треба да демонстрираме храброст,  но за добро и на нашата држава но и на Бугарија е ова прашање и овој елипог да биде позитивен“, рече тој.

Партиската изборна комисија на ДУИ денеска го спроведе внатрепартискиот изборен процес за избор на претседатели на ограноци, членови на ограноци, месни совети и членови на месните совети во 10 ограноци на партијатаво Боговиње, Брвеница, Желино, Врапчиште, Теарце, Чашка, Студеничани, Долнени, Гостивар и Тетово.

Али Ахмети зборуваше за овој изборен процеси нагласи дека со „овој демократски процес ја покажавме силата, ја зголемивме вредноста и конкуренцијата“ и ги објави имињата на новоизбраните претседатели. (МИА)