Ахмети го демантира Османи за амбасадорскиот предлог

Лидерот на Демократската унија за интеграција, Али Ахмети, потврди дека поранешната градоначалничка на Тетово, Теута Арифи, е предложена за амбасадор во ЕУ, изрекувајќи за неа пофалби дека може да даде сериозен придонес.

Како што објави Тетова.сот, Ахмети ги коментирал предлозите на Владата за нови амбасадори посочувајќи дека  Теута Арифи е предложена за амбасадор во ЕУ бидејќи го знае процесот и  била поранешна вицепремиерка за евроинтеграции.

„Госпоѓа Арифи беше вицепремиер за евроинтеграции и го препознава овој процес. Се проценува дека може да придонесе во оваа точка поради придонесите и претходните врски што ги имала со регионот, но и со Европската Унија“, рече Ахмети.

Ахмети го коментираше и предлогот Виктор Димовски да стане амбасадор во Париз.

„Не можам да потврдам дали господинот Димовски ги остави Албанците без државјанство, затоа што ова прашање е етничко и политизирано. Бројките кои се спомнуваат во јавноста се вртоглави, но вистината е сосема поинаква. Тоа  не значи дека не е направен заборав и пречки за признавање на државјанството, тоа е процес под постојана грижа успешно да се заврши“, рече Ахмети.