Македонските млади фудбалери У17 и покрај поразот продолжуваат во елитните квалификации
Македонска фудбалска репрезентација за играчи до 17 години со пораз 0:3 од своите врсници од Турција го заврши настапот во квалификациската група 11 на второто место и на тој начин избори место во елитните квалификации. Стрелци на головите за Турција беа: Дениз, Кабакташ и Сиваслиоглу.
Денешниот пораз не влијаеше на конечниот пласман на македонските надежи особено што во првите две кола беа совладани Унгарија со 3:2 и Сан Марино со 1:0 и освоија шест бодови.
Првото место во групата го освои Турција со максимални девет бодови, додека во вториот денешен дуел Унгарија го победи Сан Марино со 3:2 и на тој начин го избегна последното место во групата.