Шпанците на нозе по присилното иселување на старица од стан: Немири на улиците
Јавното негодување поради иселувањето на 87-годишна жена дополнително го зголеми притисокот врз шпанската влада да се справи со долготрајната криза со домувањето, објавува АП.
Околу илјада демонстранти кампуваат на плоштадот Пуерта дел Сол во Мадрид веќе една недела откако Марија дел Кармен Абаскал беше иселена од станот во центарот на Мадрид каде што живееше седум децении на 23 септември. Тие велат дека нема да заминат сè додека владата не преземе конкретни чекори за заштита на станарите.
Chaos in Barcelona during Sánchez’s visit. Protesters are tearing down barriers on the city’s streets and pushing against the police cordon outside the Congress Palace. They demand that Sánchez fix the housing crisis. https://t.co/LQK3y7KxiJ
— Chay Bowes (@BowesChay) September 29, 2026
Владата на премиерот Педро Санчез, кој се соочува со парламентарни избори следната година, презентираше пакет итни мерки. Пратениците треба да гласаат за нив во петок, но на малцинската коалиција предводена од социјалистите ѝ е потребна поддршка од неколку помали партии, што сè уште не е загарантирано.
Кириите речиси двојно се зголемија за десет години
Кризата со домувањето во Шпанија трае со години, особено погодувајќи ги посиромашните граѓани и младите луѓе, на кои им е тешко да си дозволат да купат имот, додека понудата на станови за изнајмување е ограничена.
Просечните кирии речиси двојно се зголемија во последните десет години. Според порталот „Идеалиста“, цената по квадратен метар се зголемила од 8,20 евра во 2016 година на 15,10 евра оваа година.
Владата вели дека 26 проценти од Шпанците кои живеат во изнајмен стан трошат просечно 40 проценти од своите приходи за кирија и комунални услуги. Шпанија е исто така близу до дното на листата на земји на ОЕЦД во однос на уделот на јавни станови за изнајмување – тие сочинуваат помалку од два проценти од станбениот фонд, во споредба со просекот на ЕУ од осум проценти.
Игнаси Марти, раководител на Опсерваторијата за достоинствено домување во бизнис школата „Есада“, верува дека мерките на владата би можеле да го отежнат иселувањето на најранливите, но предупредува дека на долг рок е потребно повеќе субвенционирано домување.
„Мислам дека овие мерки се еден вид фластер за проблемот, а ни требаат фластери за почеток“, изјави Марти за Асошиејтед Прес. „Но, на крајот, мора да го излечиме пациентот. Фластерите и завоите нема да го сторат тоа.“
Марикармен станува симбол на протест
Нов бран на негодување ја зафати земјата по иселувањето на Абаскал, која користи инвалидска количка. Полицијата ја затвори улицата, а 87-годишната жена беше изнесена од нејзиниот стан на носилка. Телевизиските снимки поттикнаа илјадници луѓе да протестираат во Мадрид и други градови.
„Не можев да го бранам мојот дом, но се борев за другите да научат да се борат за она што е нивно“, рече Абаскал од болничкиот кревет.
Компанијата за недвижности која инсистираше на иселување за да може да го изнајми станот по значително повисока цена подоцна се согласи да го врати Абаскал. Сепак, „Марикармен“, како што стана позната низ целата земја, остана симбол на борбата против високите кирии.
Владата се бори против шпекулантите и ги штити закупците
Владата ги подели своите мерки во два декрети. Првиот, усвоен на 30 септември, сака да забрани купување имоти по цена пониска од 70 проценти од нивната проценета вредност до 2028 година, со цел да се спречат таканаречените „фондови на мршојадци“ масовно да ги купуваат и препродаваат по значително повисоки цени.
Заштитата на ранливите закупци би била продолжена до 2030 година, така што нема да бидат дозволени иселувања за лица за кои социјалните служби утврдиле дека се во тешка финансиска состојба и немаат друг сместувачки капацитет.
Краткорочните изнајмувања исто така би биле построго регулирани. За договори за период од еден до 12 месеци, закупецот би морал да ја докаже причината зошто му е потребен сместувачкиот капацитет помалку од една година. Даночни олеснувања се обезбедени и за имоти за изнајмување и изградба на нови станови.
Die sinnlosen Zerstörungen sind jetzt wohl auch in Spanien angekommen. #Barcelona #Mob https://t.co/OSbhtBz3TG
— Bürgerfrau 🇩🇪💙✌🏻📚🤍🕯️ (@GustavsonElena) October 2, 2026
Клучната мерка би можела да падне во парламентот