Случајот на Ива Михајлова во Македонија, која има бугарско државјанство, се најде на пленарната сесија на Парламентарното собрание на Советот на Европа (ПССЕ), каде бугарската пратеничка  Весела Момчева-Тоун се пожали на тоа што „Михајлова не можe да оди на лекување во Бугарија“.

-Поради тековните судски постапки, на Ива Михајлоа не ѝ е дозволено да патува во странство за медицински третман, иако ова ограничување може да има сериозни последици по нејзиното здравје. Моето прашање до вас е: како може Советот на Европа да ги принуди земјите-членки да обезбедат дека законските ограничувања непропорционално го попречуваат пристапот до итна и неопходна здравствена заштита во странство?

Во одговорот, генералниот секретар на Советот на Европа, потсети дека за ова прашање не слушнал за прв пат.

-Можам да потврдам дека претседателката на Бугарија, Илијана Јотова, исто така го покрена ова прашање за време на нашиот состанок претходно овој месец.Не можам и не сакам да интервенирам или да се обидам да влијаам на поединечен случај што моментално се води пред националните власти или судови. Ова ги вклучува и одлуките во врска со ограничувањата за патување. Сепак, би сакал да повторам дека стандардите на Советот на Европа, вклучително и оние утврдени во Европската социјална повелба, секако мора да се почитуваат, бидејќи нивната важност е очигледна. Секое наводно кршење на овие стандарди мора да се реши. Исто така, за оваа цел имаме на располагање соодветни национални механизми и механизми на Советот на Европа, порача генералниот секретар на Советот на Европа.