Skip to content
19/11/2026
  • Импресум
  • Маркетинг
  • Услови за користење
Независен Весник
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија
Search
Независен Весник
Search
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија

Народна банка: Банките отпорни на стрес

07/08/2019 13:35

Фото: Б. Грданоски

Финансиската стабилност во земјава се задржа во текот на минатата година, при истовремено продлабочување на нивото на нефинансиско посредување, а работењето на финансиските институции се одвиваше во релативно поволен домашен амбиент.

Ова го покажува извештајот за финансиската стабилност во 2018 година објавен од Народната банка, во кој се посочува дека банкарскито систем како клучен сегмент од финансискиот сектор ги подобрил показателите за изложеноста на ризици, а стрес-тестовите упатуваат на солиден капацитет за апсорбирање на потенцијалните шокови.

Кај активностите на банкарскиот сектор е забележан значително забрзан раст, при раст и на профитабилноста и подобрување на профилот на ризик на домашните банки.

Банкарскиот систем, според извештајот е ликвиден и високо солвентен, со стапка на адекватност на капиталот од 16,5 отсто и преовладување на најквалитетниот, т.н. редовен основен капитал во вкупниот регулаторен капитал.

Квалитетот на активната е на солидно ниво, со учество на нефункционалните во вкупните кредити од 5,2 отсто и висока покриеност на овие кредити со издвоени резервации за очекувани кредитни загуби од 76,3.

Средствата на банкарскиот сектор претставуваат 82,5 отсто од вкупната актива на финансискиот сектор, а активностите на останатите сегменти од финансискиот систем, со исклучок на задолжителните капитално финансирани пензиски фондови, се прилично скромни по обем, наведуваат во извештајот.

Кај корпоративниот сектор, според извештајот, се забележани подобрени резултатите од работењето, зголемена додадена вредност, отворени нови работни места и раст на платите на вработените.

– Показателите за профитабилноста, задолженоста и способноста за редовна отплата на обврските забележаа подобрување, стои во извештајот.

Во делот на домаќинствата показателите за солвентноста и ликвидносната позиција, заедно со ниското и стабилно учество на нефункционалните во вкупните кредити во портфолијата на банките, и натаму упатуваат на релативно ограничена чувствителност на овој сектор на шокови и главно одржување во контролирани рамки на ризиците за финансиската стабилност што произлегуваат од него.

Кај капитално финансирано пензиско осигурување, во извештајот се наведува, дека не се очекуваат поголеми ризици од работењето.

– Неодамнешните измени во законската регулатива треба да овозможат зајакнување на одржливоста на вкупниот пензиски систем на долг рок и стабилна исплата на пензиите на осигурениците. Друштвата за управување со пензиските фондови применуваат конзервативна инвестициска политика во рамките на регулаторните ограничувања и правила и се очекува основањето трето пензиско друштво да придонесе за зголемување на конкуренцијата во овој сегмент од финансискиот систем, наведуваат во извештајот.

Средствата на другите чинители на финансискиот систем се помалку од седум отсто од активата на финансискиот систем, а половината од нив отпаѓаат на осигурителниот сектор.

ReplyForward

 


Поврзани содржини

Комерцијална банка заинтересирана за купување на Алта банка
19/11/2026 16:11
ИКЕА лансира нов концепт: мали дуќанчиња ќе никнуваат во градовите
19/11/2026 16:11
Битиќи тврди дека владата манипулира: Обврзницата за враќање е 500 милиони, а новото задолжување две милијарди евра
19/11/2026 15:11
Иновациите треба да се научат да се менаџираат и управуваат – експертско предавање на Економскиот факултет во Скопје
19/11/2026 13:11

Нова транша пари од унгарскиот кредит за компаниите
19/11/2026 10:11
Колку пари треба да чувате дома за итни случаи? Експертите откриваат колкава резерва е доволна
19/11/2026 10:11
Тутунари, проверете ја секоја кутија, во неа треба да има само тутун
19/11/2026 09:11
Продолжува комисиската расправа за предлог-буџетот за 2027 година, седници на уште две собраниски комисии
19/11/2026 07:11

Најчитани


  • Мира Марковиќ ќе биде кандидатка за претседател на Франција, номинирана од Анималистичката партија
    14/11/2026 22:09
  • Мицкоски отвори пресметка и со Кире Наумов за случувања пред 10 години
    13/11/2026 15:42
  • „Имам голем проблем да барам од вас да го смените Уставот“: Сиљановска до пратениците
    17/11/2026 15:23
  • Врне на саемот „Вкуси ја традицијата преку домашна здрава храна“, но мириса на јаболка, вино, ориз…
    14/11/2026 13:25
  • Парите од Алта банка Србија исчезнале од финансискиот систем
    14/11/2026 17:32
  • Австралија го подготвува првиот закон во светот за кривична одговорност на компаниите за вештачка интелигенција
    15/11/2026 15:34

© Независен Весник  2019 -2026

  • Импресум
  • Маркетинг
  • Услови за користење