Гази Баба ќе соработува со РЕДИ за рециклирање

Во рамки на РЕДИ Самитот  градоначалникот на општина Гази Баба Бобан Стефковски потпиша меморандум за соработка со кој се обврза на иницијатива за воспоставување систем за примарна селекција на неопасен отпад.

„На самитот потпишавме меморандум за соработка со кој се обврзуваме на иницијатива за воспоставување на систем за примарна селекција на неопасен отпад, подигнување на јавната свест за селектирање на отпад во општина Гази Баба. Правото на здрава животна средина е фундаменално граѓанско право. Обезбедувањето на чиста, здрава и добро зачувана животна средина од една страна и поддршката на одржлива економија од друга страна е најголемиот предизвик за општина Гази Баба“, вели Стефановски.

Еколошки чиста и урбана Гази Баба е сонот на оваа генерација на жители во нашата општина. Сон кој ќе стане реалност, ветува градоначалникот.

„Денес заедно со државните институции, невладиниот сектор, социјалните имоватори, претприемачите, како и претставници од европските и меѓународните институции, разговаравме за селектирање и рециклирање на одпадот и заштита на животната средина“, напиша Стефковски.