Ќерка на бизнисмен од Куманово, припадничка на ИД, е убиена во Сирија

Во Сирија е убиена девојка од Куманово, припадничка на терористичката група Исламска држава. Веста ја потврдиле блиски роднини.

– Кумановката пред три години заминала од дома, а подоцна се дознало дека таа се наоѓа во Сирија, во редовите на војската на ИД, пишува порталот „Реалитети“.

Во 2015 година, медиумите на албански јазик јавија дека З.К. (18) од Куманово, тогаш 18-годишна, им се приклучила на борците на ИД.

З.К. е ќерка на познат бизнисмен од Куманово. Нејзините родители тогаш изјавуваа дека била примерна ученичка и дека не очекувале таа да направи такво нешто.

Досега, на боиштата во Сирија и Ирак убени се најмалку 15 лица од Македонија.

Во минатите два дена косовските медуми јавија дека во Сирија се убиени и двајца Косовци, припадници на ИД, со што бројот на косовските државјани што ги загубија животите на боиштата на Блискиот Исток се искачи на 76.