Тепачка по недоразбирање во сообраќајот на „Приштинска“ во Скопје

Четириесет и седумгодишен скопјанец вчера бил нападнат од група од околу 10 лица на ул. „Приштинска“ во Скопје поради недоразбирање во сообраќајот.

Министерството за внатрешни работи информира дека синоќа во 22.10 часот во Полициската станица Чаир, Т.А. (47) од Скопје пријавил дека истиот ден околу 22,00 часот на улицата „Приштинска“ физички бил нападнат од група од околу 10 лица. Причина за нападот била претходна расправија за недоразбирање во сообраќајот со лицето Н.Т. (21) од Скопје.

Увид на местото на настанот бил извршен од екипа од СВР Скопје и се преземаат мерки за расчистување на случајот.