Тепачка во Скопје, едно лице повредено

Три непознати лица денеска на булеварот „Митрополит Теодосиј Гологанов“ во Скопје физички го нападнале Ф.С., кој се здобил со повреди, по што му била укажана лекарска помош во Универзитетска клиника по хируршки болести „Св. Наум Охридски“ во Скопје.

Како што информира МВР, настанот се случил во 12.50 часот поради меѓусебно недоразбирање, по што дошло до нарушување на јавен ред и мир со физички напад.

Неофицијално лицата се познавале и имале меѓусебни недоразбирања.

МВР работи на расчистување на случајот.