Телефонски разговор меѓу Помпео и Чавушоглу во обид да се надмине кризата

Турскиот министер за надворешни работи Мевљут Чавушоглу денеска повторно телефонски разговарал со американскиот државен секретар Мајк Помпео, за затегнатите односи меѓу двете држави. Двајцата министри се слушнаа и завчера, откако претседателот на САД Доналд Трамп најави санкции за Турција, поради апсењето на американскиот протестантски свештеник Ендрју Брунсон.

Турција, пак, бара од САД да и го екстрадираат муслиманскиот свештеник Фетула Ѓулен, да му се суди за организирањето на државниот удар во 2016 година. Свештеникот Брунсон, кој водел мала црква во Измир, е обвинет за поврзаност со Ѓулен, кој со децении живее и работи во САД. Турските власти го пуштија Брунсон од притвор, но тој останува во домашен притвор.