„Прочистувањето на корумпираните“ ја остави Албанија без Уставен суд


Процесот на прочистување на правосудните институции и полицијата во Албанија од корумпирани личности или лица кои биле или се дел од криминални структури, не го мина уште еден уставен судија, со што практично Албанија остана без Уставен суд, бедејќи проверката не ја минаа повеќе од половина од неговите членови.

Последен во низата уставни судии што не го минаа процесот е Гани Диздари, за кого Независната комисија за верификација донесе одлука дека го разрешува од функцијата член на Уставниот суд, бидејќи при контролата „имало проблеми кога станува збор за неговиот имот и интегритет како личност“

– „Паѓањето“ еден по еден на членовите на Уставниот суд го изваде на виделина гнилиот албански правосуден систем и потребата за темелно чистење на ликот на судијата. Нефункционирањето на Уставниот суд го втурна судскиот систем во институционална и уставна криза, што сериозно им штети на аспирациите на Албанија кон Европската унија, констатира весникот „Шекули“.

Како што јави дописникот на МИА, весникот потсетува дека поради „непостоење“ на оваа институција, актерите, невладиниот сектор и опозицијата кои се против уривање на објкетот на Националниот театар, не може да поднесат барање за утврдување на уставноста на донесениот закон од страна на парламентот, па сега единствен спас гледаат во претседателот Илир Мета, од кого побараа да не го потпишува законот.

Уставниот суд е составен од девет члена, од кои три именува шефот на државата, а уште по три члена избираат Собранието и Врховниот суд на АЛбанија. Судиите на Уставниот суд имаат мандат од девет години без право на реизбор.

Кога почна процесот прочистување на полицијата, околу 500 полицајци самоволно ја напуштија службата неподнесувајќи формулари во кои треба да наведат податоци за нивната материјална положба пред да почнат со работа и нивната сегашна состојба, додека 8.000 нивни колеги го сторија тоа. Порцеот на прочистување не го минаа и повеќе судии и обвинители