Пожар во куќа во населбата 11 Октомври
Пожар попладнево избувна во куќа во населбата 11 Октомври“ во Кисела Вода.
– Опожарена е внатрешна просторија во куќата и нема повредени – изјави Ѕвонко Томевски, командант на Противпожарната единица на Град Скопје.
Интервенирано е со три возила и осум пожарникари. Пожарот е изгаснат, екипите сѐ уште го расчистуваат теренот.
Засега не се познати причините за пожарот, кој бил пријавен во 17.10 часот.