Надал ја освои 11-та титула во Монте Карло

Шпанскиот тенисер Рафаел Надал ја освои 11-та титула на Мастерсот во Монте Карло, откако во финалето го совлада Јапонецот Кеи Нишикори со 2:0 во сетови, односно со 6:3 и 6:2.

Надал ја потврди неговата доминација на земјена подлога и стана првиот тенисер кој освоил 11 титули на ист турнир.

Натпреварот го почна Нишикори, кој направи брејк на противнички сервис и имаше водство од 1:2, но во останатиот дел Надал имаше контрола над мечот и ги освои двата сета.

Шпанскиот тенисер повторно се најде на првото место по бројот на освоени титули од серијата Мастерс 1.000 со вкупно 31 титула, а српскиот тенисер Новак Ѓоковиќ е втор со една титула помалку.

Со победата Надал ќе остане на првото место на АТП листата