Млад кавадарчанец слетал во Луда Мара, излегол преку задните прозорци


Деветнаесет годишник од Кавадарци со возило „рено меган“ со кавадаречки регистарски ознаки утрово околу три часот излетал од патот кај Ваташа и слетал со автомобилот во реката Луда Мара. Возачот успеал да се спаси преку отворање на задните прозорци од возилото, потврди полицијата за МИА.

Несреќата се случила кај местото каде што се гради нов мост, токму поради недоволната безбедност на стариот и зачестеноста од сообраќајки.

Лиза Бендевска од МВР изјави дека сообраќајката се случила на улицата „Страшо Пинџур” во Ваташа.

На местото биле повикани полиција и противпожарната единица, која веднаш пристигнала со две возила и тројца пожарникари.