Ердоган разговарал со Путин и Трамп за мировни чекори во Сирија

Турскиот претседател Реџеп Тајип Ердоган изјави денеска  дека во изминатите денови телефонски разговарал со американскиот и рускиот колега Доналд Трамп и Владимир Путин за потенцијалните мировни чекори во Сирија.

Турскиот претседател соопшти дека на Трамп и Путин им рекол оти не е во ред да се засилуваат тензиите во регионот.

Ердоган, исто така, посочи дека сегашната ситуација покажува дека тензијата веќе е намалена, но најави дека ќе ги продолжи контактите со претседателите на САД и Русија.