Во РС не се урна хеликоптер, туку е оштетен далновод

Полициската управа во Зворник соопшти дека во близина на Братунац не се урна хеликоптер, туку се случило оштетување на далновод.

Локалните жители на Братунац денеска пријавиле дека околу 12 часот и 30 минути се урнал хеликоптер на непристапен терен.

– По пријавата, полицијата во соработка со другите служби беа ангажирани да го прегледаат теренот, при што е утврдено дека не се уранл хеликоптер, туку бил оштетен далновод, изјави портпаролот на Полициската управа во Зворник, Миљан Бобар.

Тој додаде дека поради одредени звучно-светлосни елементи жителите се посомневале дека се урна хеликоптер.

– Хеликоптер го надлетуваше подрачјето во моментот кога се случи празнењето на далноводот и луѓето помислија дека се урнал, изјави командирот на пожарникарската единица во Братунац, Љупко Илиќ.