Вардар по петти пат на Ф4 во Будимпешта

Убедлива победа со резултат 32:25 остварија ракометарките на Вардар на својот последен настап пред домашна публика оваа сезона во меч од Лигата на шампионите.

Совладан беше дански Митјиланд, по втор пат во четвртфиналната пресметка по што „црвено-црните“ изборија пласман на Ф4 турнирот во Будимпешта.

На првиот меч во Данска вардарки победија со 24-23, а ова 13. триумф сезонава во лигата на шампионите.

Победникот беше извесен уште по почетните минути, а беше потврден во второто полувреме кога 15 минути гостинките не успеаја да ја совладат Амандин Лејно, па нашите ракометарки со серија од 8-0 стигнаа до плус 13.

Четириилјадната публика во „Јане Сандански“ долго време остана да ги поздрави своите миленчки кои последен пат во овој состав настапија на домашен терен во ЛШ. Кај повеќето ракометарки емоциите беа видливи и тие не можеа да ги сопрат солзите.

Противникот на Вардар во своето петтото учество на завршниот турнир во Будимпешта ќе биде познат во вторник за кога е закажана жрепката.