Чавков и другите приведени даваат искази во Кривичен суд

Поранешниот министер за внатрешни работи и директор на Бирото за јавна безбедност Митко Чавков во моментов е во Кривичниот суд каде дава исказ пред судија на претходна постапка. И повеќе други лица се изведени пред судија на претходна постапка кој постапува по писмен поднесок од ОЈО во врска со настаните во Собранието од 27 април.

Митко Чавков за време на настаниете во април раководеше со оперативниот штаб на МВР. Од пониските структури од МВР тој беше посочен дека два часа не давал наредба за дејствување на полицијата, со што го довел во опасност животот на пратеници и пратеници и новинари.

Покрај Чавков, приведени се и други лица, меѓу кои, и пратениците Крсто Муковски и Жаклина Стефановска, актерот Владо Јовановски, Горан Ангелов – Ќосето од Велес, поранешниот директор на ФЗОМ Саше Стефановски.