Потврден притворот за Чавков

Скопска Апелација го потврди решението на Кривичниот суд со кое поранешниот министер за внатрешни работи Митко Чавков останува во притвор, потврдија за МИА од Судот.

Оттаму посочија дека е отфрлено и барањето за обезбедување гаранција за пуштање да се брани од слобода, бидејќи тоа било некомплетно.

Чавков заедно со уште четири лица беа вратени во притвор на 28 март со одлука на Кривичниот суд, еден ден откако Врховниот суд на РМ ги пушти од Истражниот затвор Шутка во куќен притвор.