Посен рецепт: Празнична салата

Посното е дел од секое празнично мени. Оваа салата не само што е вкусна и лесна, во целост е полн погодок за вашата трпеза.

Потребно е:

425 г пченка

425 г грашок

400 г црвен грав

Главица црвен кромид

1 пиперка

Домат

Магдонос

 

За прелив:

Сок од 1 лимон

100 мл маслиново масло

1 чешне лук

Сол и бибер, по вкус

 

Приготвување:

Во длабок сад се ставаат пченката, грашокот и црвениот грав. Се додава ситно исечканиот кромид, исечканата пиперка и ситно исечканиот магдонос. Потоа добро се промешуваат состојките, па се преливаат со претходно измешаниот сок од лимон со маслиново масло, сол и бибер. На крај, повторно се промешува и одозгора се става ситно исечканиот домат.