Над 200 домови со сериозни штети од пожарите во Грција

Околу 200 инженери од Министерството за инфраструктура и транспорт на Грција, веќе започнаа со регистрација на штетите на објекти во погодените населби од пожарот.

Како што јави дописничката на МИА од Атина, по регистрирани 720 куќи, 211 биле одбележани со црвена боја, односно дека штетата е голема, 234 добиле жолта, а 275 зелена боја, односно дека можат сопствениците да се вратат дома.

Паралелно во соработка со префектурата Атика, од улиците биле отстранети над 125 изгорени и уништени автомобили.