Милан планира да го врати Ибрахимовиќ на „Сан Сиро“

Шведскиот фудбалер пред шест години настапуваше за италијанскиот клуб, а сезонава игра за Лос Ангелес Галакси, со кој има договор до 2019 година.

Како што објавија италијанските медиуми Милан има потреба од играч во нападот, а тренерот Џенаро Гатузо инсистирал тоа да биде фудбалер кој веќе имал искуство во Серија А.

Наводно бил постигнат договор тоа да биде 37-годишниот Ибрахимовиќ, а раководството на Милан испратило понуда во јануари да дојде во италијанскиот клуб и да потпише договор до крајот на сезоната.

Ибрахимовиќ две сезони настапуваше за Милан и постигна 56 голови.