Кичевка го оштетила ЈП „Македонски шуми“ за 230 илјади денари

Надворешната канцеларија за криминалистички работи Кичево поднесе кривична пријава против А.П.(49) од Кичево поради „несовесно работење во службата“, со кое на ПСШ „Лопушник“ – Кичево при ЈП „Македонски шуми“ – Скопје, каде работела му причинила материјална штета од 233.288 денари.

Како што информира денеска МВР, на 5 септември 2017 година во РЕ „Расадник Крушино“, вработени во ЈП „Македонски шуми“ – Скопје, при попис констатирале дека во периодот од март 2015 година до пописот, период во кој пријавената, како референт во ПСШ „Лопушник“ – Кичево при ЈП „Македонски шуми“ – Скопје, била одговорна за готови производи, имало 43.476 садници помалку од предвиденото.

Со ова А.П. на ЈП „Македонски шуми“ – Скопје му причинила материјална штета од 233.288 денари.