Коби Брајант ги извлече групите за СП: Србија може да ги победи САД

Денеска во кинескиот град Шенжен беше извршена ждрепката за групната фаза за претстојното Светско првенство во кошарка. Мундијалот се игра од 31 август до 15 септември во осум кинески града, а пласман во следната фаза ќе обезбедат најдобрите две репрезентации од групите. Ова ќе биде 18 по ред планетарно натпреварување, 69 години по премиерното издание 1950 година во Аргентина, а за прв пат ќе учествуваат 32 репрезентации распоредени во осум групи.

Коби Брајант амбасадорот на Мундо баскетот ги извлекуваше групите. „Дали мислам дека Србија моќе да ги победи САД, одговорот е „да“. Мислам дека тоа е единствениот тим кој има шанси да не победи. И затоа мора да бидеме на прсти и подготвени, бидејќи може да бидеме поразени“, изјави Брајант на едно од новинарските прашања.