Бред Пит заработува повеќе од Анџелина Џоли

САД– Десет години беа во врска, од кои две години во брак. Имаат шест деца, кои по разделувањето во септември 2016 живеат со мајката. Разводот им трае две години и уште не е финализиран.

Нивната врска беше холивудска бајка, а сега не сакаат да се видат. Анџелина Џоли И Бред Пит се во фокусот на јавноста откако Џоли го обвини дека редовно не плаќа алиментација. Пит и возврати дека досега и исплатил 9 милиони долари. Осум милиони долари позајмица за новиот дом во кој актерката сега живее со децата, и 1,3 милиони долари за трошоци и сметки околу нив. За позајмицата Анџелина плаќа и камати.

Кој е побогат? Информациите велат Бред Пит. 80 милиони долари повеќе од Џоли. Тој тежи 240 милиони долари, таа 160 милиони долари.