Борис Џонсон: Русија има залихи од нервниот агенс „Новичок“

Британскиот министер за надворешни работи Борис Џонсон изјави денеска дека Русија натрупала залихи од смртоносниот нервен агенс „Новичок“ што бил користен за труење на поранешниот двоен руски агент во Британија, и дека Русите истражуваат како тоа оружје може да се употреби за убиства.

– Имаме докази дека во изминатите 10 години Русија не само што истражува употреба на нервни агенси со цел убиства, туку и создава и трупа залихи од „Новичок“, изјави Џонсон за Би-Би-Си.

Британија тврди дека Русија користела нервен агенс од осветски период под назив „Новичок“ за напад врз поранешниот шпион Сергеј Скрипал и неговата ќерка Јулија во прва позната офанзивна употреба на такво оружје на европско тло од Втората светска војна, додека Русија негира каква било вмешаност.