Американскиот Конгрес ќе расправа за БиХ и Западен Балкан

Наследството од Дејтонскиот договор и иднината на Босна и Херцеговина, но и на целиот Западен Балкан ќе бидат тема на сослушување во Конгресот на САД в среда, дознава Фена.

Сослушувањето ќе биде одржано пред Поткомитетот за Европа, Евроазија и нови заками при Комитетот за надворешни работи на Претставничкиот дом. Со Комитетот за надворешни работи претседава републиканецот Ед Ројс од Калифорнија.

Свои сведочења ќе имаат Метју Палмер, вршител на должноста помошник секретар на Бирото за европски и евроазиски работи во Стејт департментот, Саша Топериќ, директор на Иницијативата за медитеранскиот регион, Блискиот исток и Заливот при Центарот за Трансатлантски односи, Филипе-Леро-Мартин, директор за владеење на правото, правда и безбедност во Американскиот институт за мир и Курт Басуенер, коосновач и виш соработник во Советот за демократизација на политиката.