Жени 50+ ни случајно не треба да имаат ваква фризура и боја на коса: Ве прави да изгледате уморно и постаро

Какви фризури не треба да носат жените кои имаат над 50 години.

Добрата фризура може многу да направи за убавината, да ги сокрие недостатоците, да ги нагласи адутите, да подмлади, но и да направи да изгледаме постари.Есенските трендови диктираат едно, а дали можете да најдете нешто за себе меѓу предлозите? А, ако веќе сте во педесеттите години, кои се фризурите и боите на косата што треба да ги избегнувате?

Боја на коса
Според магазинот „The Voice“, сите дами во категоријата 50+ треба да заборават на темната боја на косата! Црна, темно кафеава, па дури и темно црвена ќе направи да изгледате постари и повеќе! Овие бои ќе ја нагласат секоја брчка, секоја бразда на вашето лице, а тоа е нешто што дефинитивно сакате да го избегнете.

Стручниот совет е да изберете посветли нијанси, нежни прамени кои изгледаат што поприродно или што би рекле нашите – „како да ве извалкало сонце“.

Без строги линии
Кога станува збор за шишање, треба да се држите подалеку и од „строги“ линии. Тие ги истакнуваат цртите на лицето, а ако имате над 50 години, без разлика колку сте горди на својата убавина, ова не е добра идеја. Исто како несоодветна боја, строгата фризура ќе ја истакне секоја ваша брчка. Предлогот е да изберете слоевита фризура, добар избор се и шишките кои ги покриваат линиите на челото.

Ако имате локни, степенастата фризура е најдобрата опција, таа ќе додаде волумен на вашата коса (проретчената коса е уште една негативна страна на стареењето). Ако вашиот врат е проблематична област, одлучете се за коса со средна должина, која нежно паѓа на рамениците, но која е уредна.