Жан-Клод ван Дам опфатен во обвинение за сексуални злосторства

Букурешт – Белгискиот глумец Жан-Клод ван Дам е обвинет за вмешаност во сексуални злосторства. Според наводите на обвинението, ѕвездата од боречко-акционите филмови имал сексуални односи со пет жени од Романија, а се тврди дека му биле испратени од криминална организација којашто се занимава со трговија со луѓе.

Ван Дам (65), се наведува, знаел за потеклото на жените за кои станува збор, а целиот случај е дел од поширока истрага за трговија со луѓе во Романија, почната 2020 година. Адвокатот Адријан Кукулис, кој застапува една од жртвите, рече дека жените биле ранливи и се сомнева дека се искористувани за сексуални цели.

– Лицето што ги примило (жените), знаел за нивната состојба, тврди Кукулис.

Противзаконското дело наводно се случило во Кан, Франција. Обвинението е поднесено до Романската државна канцеларија за истрага на организиран криминал и тероризам.  

Жан Клод ван Дам уште пред да биде славен, бил член на националниот тим за карате на Белгија, а тренирал карате од свои 15 години, а подоцна и кикбокс. Зад себе има пет брака и три деца. Еден е од омилените ѕвезди во Холивуд кој се разбира во боречки вештини заедно со Чак Норис и Долф Лундгрен.