Земјотрес од 7,4 степени во Тајван – урнати згради, мртви и заробени (видео)
Тајван го погоди земјотрес со јачина од 7,4 степени според Рихтер, најсилниот во последните 25 години. Неколку згради беа урнати. Најмалку четворица се мртви, а има и затрупани.
Телевизиските станици емитуваа снимки од згради како се нишаат во густо населениот источен град Хуалиен, во близина на епицентарот на земјотресот.
🔴[ 🇹🇼 TAÏWAN ] URGENT
Une série de tremblements de terre en Asie
Destruction au Japon et à Taiwan
🔸Le tsunami a atteint l'île japonaise de Yonaguni après le premier séisme d'une magnitude de 7,5 au large de Taiwan.
🔸Un tremblement de terre répété d'une magnitude de 6,6… pic.twitter.com/oCzHDUegDq— Info Muslim (@infomuslime) April 3, 2024
Земјотресот, кој предизвика прекин на електричната енергија во главниот град Тајпеј, се случи во 7:58 часот по локално време на длабочина од 15,5 километри од јужниот брег на Тајван, соопшти државната сеизмолошка служба.
7.4-magnitude earthquake hit Taiwan… pic.twitter.com/CZ8SAv77N3
— Byron Wan (@Byron_Wan) April 3, 2024
Јапонскиот центар за земјотреси објави дека неколку мали цунами стигнале до јужната префектура Окинава и подоцна го укинале предупредувањето за плимниот бран. Сеизмолошката агенција на Филипините исто така издаде предупредување за жителите на крајбрежните области и ги повика да се засолнат на повисоките места. Во меѓувреме, предупредувањата за цунами се суспендирани.
Земјотресот бил почувствуван во Шангај, Кина, велат очевидци. Кинеските медиуми јавуваат дека се почувствувал и во Фуџоу, Ксијамен, Куанжу и Нингде во провинцијата Фуџијан.
The 7.4-magnitude quake has caused lots of destruction in Taiwan… pic.twitter.com/aMbrMcz1Nz
— Byron Wan (@Byron_Wan) April 3, 2024
Во Тајпеј сè уште се чувствуваат последователни потреси, најмалку 25 досега, според жителите. Повеќе од 87.000 домаќинства останаа без струја, а запрени се и брзите железнички возови.
Научниот парк Јужен Тајван, кој е дом на важен производител на полупроводници, објави дека компаниите работат нормално. И тој технолошки гигант најави дека производството се одвива без прекин.
Државната новинска агенција соопшти дека тоа е најсилниот земјотрес од 1999 година, кога земјотрес со јачина од 7,6 степени според Рихтеровата скала го погоди Тајван, при што загинаа околу 24.000 луѓе, а уништени или оштетени се 50.000 куќи.
🚨BREAKING: Multiple buildings have collapsed in Taipei, Taiwan after a Pair of Massive 7.5 Earthquakes Strikes Triggering Tsunami Warnings pic.twitter.com/BmHrHXMoXA
— Suppressed Voice (@SuppressedNws) April 3, 2024