Затворени патишта, откажани возови, евакуација поради поплави на југот од Франција

23/10/2019 14:18
Јужниот дел од Франција е зафатен од големо невреме со обилни дождови и силни ветрови што доведе до затворање на патишта и откажување возови, а евакуирани се и 150 граѓани, јавуваат француските медиуми.
Екстремните временски услови го погодија југот на Франција  во вторникот вечерта и продолжија на Прованса и Азурниот брег во средата, вели еден француски метеоролог.
Десет департмани се во портокалова алертна фаза, што предупредува на обилни врнежи, силни ветрови и локални поплави.
Поради невремето затворени се неколку патишта, откорнати се дрвја и покриви, а противпожарните бригади помагаат на населението.
Возот што ги поврзува Тулуз, Монпеље и Перпињан не сообраќа.
Во вторникот вечерта беа евакуирани и 150 луѓе од кап близу Сиже од безбедносни причини.

Во 24 часа наврнале меѓу 150 и 200 мм дожд.

Поврзани содржини

Врие во Тбилиси, полицијата го растури шаторскиот камп на демонстрантите
Руте бара да нема ограничувања за употребата на оружјето за Украина
Косовските партии немаат веќе право да организираат предизборни собири во Германија
Три лица убиени во напад со нож на Менхетен
Масовниот убиец Андреас Брејвик повторно бара предвремено пуштање од затвор
Зеленски соопшти дека седум луѓе, меѓу кои и едно дете, загинале во руски напад во североисточна Украина
Трамп го номинираше Шон Дафи за министер за транспорт
Марш на неонацисти во Охајо

Најчитани