Захарова пак раскажува бајки за Европа без светла (ВИДЕО)

Директорката за информации на руското МНР, Марија Захарова се обиде да ги исплаши Русите со „темна Европа“ – и стана мем на социјалните мрежи.

Портпаролката на руското Министерство за надворешни работи тврдеше дека земјите од ЕУ наводно ги намалуваат божиќните светла и „понираат во темнина“ откако се откажаа од рускиот гас.Реакцијата беше моментална. Жителите што зборуваат руски јазик низ цела Европа започнаа флешмоб на Инстаграм, објавувајќи видеа од Лондон, Берлин, Барселона, Милано и други градови – сите осветлени и целосно празнични. Клиповите се намерно преклопени со говорот на Захарова, претворајќи ги нејзините тактики на заплашување во потсмев.

Zakharova tried to scare Russians with a “dark Europe” — and became a meme

Russia’s Foreign Ministry spokesperson claimed that EU countries are supposedly cutting back on Christmas lights and “plunging into darkness” after abandoning Russian gas.

The response was immediate.… pic.twitter.com/48DcUulCal

— NEXTA (@nexta_tv) December 17, 2025

Иронијата е тешко да се пропушти. Додека таа зборува за „темнината“ на Европа, самата Русија регистрираше повеќе од 4.000 прекини на електричната енергија за само десет месеци – една третина повеќе од претходната година.Во стотици случаи, прекините беа предизвикани од напади со беспилотни летала. Додека Захарова раскажува бајки за европскиот енергетски колапс, луѓето ја покажуваат реалноста – во светлата.