За Бајден Нетанјаху е „кучкин син“, а Путин „олицетворение на злото“
Претстојната книга „Војна“ на Боб Вудворд, новинарот што го откри „Вотергејт“ скандалот, така, открива дека Доналд Трамп одржувал контакт со Владимир Путин по завршувањето на неговото претседателствување. Цитирајќи помошник на поранешниот претседател, Вудворд пишува дека имало „можеби дури седум“ повици меѓу двајцата откако Трамп ја напушти Белата куќа.Вудворд, исто така, открива детали од моментот од екот на пандемијата Ковид-19, кога Трамп тајно му испратил на Путин машини за тестирање. Но, Путин – кој неславно се изолираше поради стравовите од Ковид – му рекол на Трамп на телефонски повик да ја држи тајно испораката на машините на Абот, известува Вудворд.
„Ве молам, не кажувајте никому дека ми ги испративте “, му рекол Путин на Трамп, според Вудворд.
„Не ми е грижа“, одговорил Трамп. „Добро“.
„Не, не“, рекол Путин. „Не сакам да кажуваш никому затоа што луѓето ќе се налутат на тебе, а не на мене. Тие не се грижат за мене“.
Во една сцена, Вудворд раскажува за моментот во Мар-а-Лаго каде Трамп му кажува на висок соработник да ја напушти просторијата за „да може да има, како што рече, приватен телефонски повик со рускиот претседател Владимир Путин“.
Вудворд, кој има долга историја на истражувања во кои се вклучени американските претседатели и оние околу него, ги документира искрените, честопати профани, оценки на Џо Бајден за светските лидери. „Војна“, која ќе биде објавена на 15 октомври, исто така открива дека американското разузнавање верувало дека има многу поголема веројатност Русија да употреби нуклеарно оружје за да ја добие предноста во Украина отколку што претходно беше познато.Но, пред да навлеземе во тоа, еве за кого Бајден сака да пцуе:
„Тој кучкин син, Биби Нетанјаху, тој е лош човек. Тој е лош ебен човек!“ – изјавил Бајден кога почна израелската инвазија на Газа.
„Тој ебан Путин… Путин е злобен. Имаме работа со олицетворение на злото“ – биле размислувањата на претседателот, откако Русија ја нападна Украина.
Стравот од нуклеарна војна се зголеми во септември 2022 година, кога на Русија и стана јасно дека нема лесно да триумфира во Украина. Американските разузнавачи, кои дознаа за плановите за инвазија на Москва неколку месеци пред руските трупи да ја преминат границата, веруваа дека веројатноста Владимир Путин да нареди употреба на тактичко нуклеарно оружје е зголемена на 50%.