Времето денеска – некаде дожд, некаде магла

Времето денеска ќе биде променливо облачно, наутро со услови за магла или ниска облачност по котлините. Од пладневните часови од запад ќе се прошират повремени врнежи од дожд, а на планините особено во западните делови врнежите ќе бидат од снег. Минималната температура ќе биде во интервал од -4 до 3, а максималната ќе достигне од 4 до 10 степени.

Во Скопје температура ќе достигне до 7 степени.

Сообраќајот на патиштата се одвива тековно во зимски услови. Поради појава на магла се бележи намалена видливост до 20 метри на патниот правец с.Гајре – с.Лисец, додека на планинските премини Ѓавато и Плетвар до 50 метри.