Воен камин се преврте кај Белград, испадна една ПВО ракета

Сообраќајот на обиколницата околу Белград во правец на Остружница беше во прекин бидејќи воениот камион „Камаз“, кој превезуваше три ракети на оклопниот систем С1, утрово слета од коловозот и се преврте.

Војникот – возачот на камионот, е полесно повреден и нема опасност по граѓаните и околината, со оглед на специфичноста на товарот. Се претпоставува дека возачот изгубил контрола и излетал од патот, а камионот бил буквално блокиран преку лентите.

Несреќата се случила пред исклучувањето за Обреновац, во правец кон Остружница, а воената полиција била информирана за сè.

Камионот превезувал три блиндирани ракети „панцир С“, а една испаднала од камионот. Покрај возачот на камионот, повредени се уште двајца војници – што значи вкупно тројца.

Сообраќајот беше запрен во двата правци, а ракетите беа пренесени до Пасуљанската ливада. Сè уште не е утврдена причината за слетувањето од камионот на патот.

Министерството за одбрана на Србија соопшти дека денес околу 7.30 часот во близина на Остружничкиот мост се случила сообраќајна незгода во која учествувало борбено возило на српската армија испратено да изврши редовна задача. Во несреќата полесно е повреден еден припадник на српската армија. Надлежните органи излегоа на местото на истрагата, се наведува во соопштението.

На обиколницата околу Белград, пред клучката „Остружница“, сообраќајот во моментов е во прекин во двата правци, поради превртување на товарното моторно возило, соопшти ЈП „Патишта на Србија“. Поради сообраќајна несреќа во тунелот Липак, сообраќајот се одвива бавно.