(Во живо) Преку еден портал на ФЗОМ граѓаните ќе стигнуваат до потврди од областа на здравството

Воведување на нови електронски услуги од областа на здравственото осигурување најави денеска министерот за дигитална трансформација Стефан Андоновски.

– Станува збор за услуги кои директно го поедноставуваат пристапот до важни документи, го намалуваат административниот товар за институциите и граѓаните и го елиминираат непотребното ќекање и физичкото присуство на шалтери.

За правни лица, овозможена е електронската потврда за издавање потврда за платен придонес за задолжително здравствено осигурување.

За физички лица има три електронски услуги:

– потврда за пријава и одјава за задолжително здравствено осугурување
– потврда за осигурано или неосигурано лице и платен придонес
– потврда за надоместок на плата за време на привремена спреченост од работа.

Корисниците на порталот на Фондот за здраствено осигурување автоматски се воведуваат и во системот за единствена најава на национално ниво, а со тоа граѓаните добиваат можност со еден кориснички профил непречено да се движат и да користат услуги на различни институционални портали без повторно најавување и без дополнителни административни бариери.

ФЗОМ од денес е поврзан и со Централниот регистар на население што овозможува автоматско преземање релевантни податоци за граѓаните.  

Новините  ќе бидат достапни на Националниот портал за услуги – uslugi.gov.mk.

Министерот за дигитална трансформација, Стефан Андоновски и Директорот на Фондот за здравствено осигурување, Сашо Клековски, со прес-конференција. Погледнете ја во живо: