Во Украина рекордни 16.218 новозаразени со корона вирус

Во Украина се регистрирани 16.218 нови случаи на корона вирус, што е најголема бројка во еден ден од почетокот на пандемијата, изјави денеска украинскиот министер за здравство Максим Степанов.

Британските медиуми пренесуваат дека со новопотврдените случаи се надмина рекордот од претходниот ден, кога имаше 15.331 инфицирани.

Од почетокот на пандемијата во Украина се заразени 693.407 лица, а од нив 11.909 умреле.