Во Словенија 557 новозаразени со Ковид-19, починаа 25

Во Словенија во последните 24 часа се потврдени 557 нови инфекции со корона вирус со извршени 2.244 тестирања, што значи дека процентот на позитивни тестови е 24,82 проценти, објавија словенечките медиуми.

Починаа 25 пациенти.

Бројот на потврдени инфекции е помал од претходниот ден, кога имаше 1.796 случаи, но со многу пообемен број на тестирани.

Бројот на позитивни тестови во последните денови е горе-долу ист, но бројот на потврдени случаи на инфекција викендов е помал поради намалениот обем на тестирање, но исто така и новиот протокол за тестирање се однесуваше пред сè на оние со тешка болест, пациентите и вработените во здравствената заштита и домовите за стари лица и социјалната грижа, а не на оние со поблаги респираторни симптоми.

Во Словенија, строгите ограничувачки мерки продолжуваат и оваа недела, вклучително ограничувања на движењето во областа на општините за домување, забрана за напуштање куќи и станови во текот на ноќта и затворање на некои услуги, вклучително и трговија што не вклучува основни потреби, носење маски на отворено и други претходно утврдени епидемиолошки мерки.

Досега проценките се разликуваат за тоа колку најстрогите ограничувања на владата влијаеле на трендот на стабилизирање на бројот на нови случаи во последните денови, кога немаше повеќе од 1.500 инфекции, но бројот на смртни случаи беше рекорден, со 71 смртни случаи за три дена.