Во ненадејните снежни врнежи во Пакистан загинаа 35 лица
Најмалку 35 луѓе загинаа, а десетици се повредени откако замрзнат дожд и неочекуван снег ги погодија оддалечените области на Пакистан во текот на викендот. Меѓу загинатите има и 22 деца, од кои повеќето беа згмечени од лизгање на земјиштето што ги затрупа нивните домови, соопштија властите за управување со катастрофи.
Екстремните временски услови ги погодија северните и западните региони на Пакистан, заглавувајќи патишта и стотици домови. Снегот во март во Пакистан е невообичаена појава, со оглед на нормално влажната клима. Муштак Али Шах, поранешен директор на метеоролошкиот оддел во земјата, ги припиша необичните услови на климатските промени.
The #Pakistan Army is conducting a rescue operation in the aftermath of heavy snowfall near the Lowari Tunnel, Kalam, Chitral, and Malam Jabba.
Continuous efforts are being made to clear snow-covered roads and assist stranded passengers.
The army, along with the district… https://t.co/vB4rHSZcWx pic.twitter.com/NfCMHmUnYi
— The Intel Consortium (@IntelPk_) March 2, 2024
Жител: Видов снег пред 30 години
Тој додаде дека невремето со слаб град што ќе трае „неколку моменти“ нема да биде толку изненадувачки, но необично е да трае повеќе од 30 минути.
Хаџит Шах, жител на округот Кирк во северозападната провинција Хајбер Пахтунхва, рече дека само еднаш доживеал снег во неговиот живот. „Како што се сеќавам, паѓаше слаб снег неколку минути пред околу 25 или 30 години“, изјави тој за Би-би-си.
Обилните дождови целосно уништија најмалку 150 куќи и делумно оштетија 500 други, главно во Хајбер Пахтунхва и југозападната провинција Балучистан, соопштија властите. Во некои области струјата е целосно исклучена веќе неколку дена. Покраинската влада на Хајбер Пахтунхва обезбеди помош за погодените области и најави финансиска помош за повредените и семејствата на загинатите.
Lawari Tunnel shrouded in heavy snow, roads impassable under nature's blanket ❄️🌨️
Please refrain from unnecessary travel until weather conditions improve. Stay safe and warm indoors.#Chitral #LawariTunnel #Pakistan pic.twitter.com/JHbiCTW9hp— CHITRAL (@ChitralPK) March 2, 2024
Пакистанската метеоролошка служба објави во својата неделна прогноза дека до крајот на оваа недела се очекува „главно студено и суво време“ во поголемиот дел од земјата, иако снежни врнежи се очекуваат во некои делови на Балучистан и Кашмир.