Во Косово 14 починати, а 639 се новозаболени од Ковид-19


Бројот на жртви на пандемијата на Ковид-19 во Косово се искачи на вкупно 989 од појавата на болестаоткако изминатото деноноќие починаа 14 пациенти заразени од новиот корона вирус, јави дописникот на МИА од Приштина.

Според последниот извештај на Националниот институт за јавно здравство на Косово, изминатите 24 часа се регистрирани 639 новозаболени, со што бројката на лица кај кои е откриен вирусот се искачи на 38.431. Од нив, вклучително вчерашните 480 излекувани, болеста досега ја совладале 23.754 лица.

Официјално, согласно последните податоци, во земјата моментно има 13.668 носители на заразата.

Вчера се извршени 1.565, а вкупно досега 141.264 тестирања со методот РТ-ПЦР.