Во Италија се воведува полициски час

Италијанскиот премиер Џузепе Конте синоќа потпиша указ со кој се воведува полициски час од 22 до пет часот на цела територија на Италија поради сузбивање на ширењето на новиот корона вирус.

Полицискиот час стапува во сила утре, а донесени се и други рестриктивни мерки, како што е намалување на капацитетот на градскиот сообраќај за 50 отсто, трговските центри ќе бидат затворени за време на викенд, а се затвораат и музеите, баровите, салите за видео игри, изложбите. Новите мерки ќе бидат во сила до 3 декември.

Исто така 20 италијански региони ќе бидат поделени на три зони – зелена,портокалова и црвена во зависност од епидемиолошката ситуација и во нив ќе се применуваат поголеми или помали рестриктивни мерки.

Во Италија од почетокот на пандемијата со Ковид-19 инфицирани се 759.829 луѓе и 39.412 смртни случаи.