Во Италија нов црн рекорд од 39.811 новозаразени и 425 смртни случаи од Ковид-19

Во Италија денеска се регистрирани 39.811 нови случаи на коронавирусот, што е најголема дневна бројка од почетокот на пандемијата, објави италијанското Министерство за здравство.

Министерството соопшти дека починале уште 425 лица, со што вкупниот број на жртви од Ковид-19 достигна 41.063 лица.

Од почетокот на пандемијата во Италија со коронавирусот се заразиле вкупно 902.490 лица.

Најпогоден регион останува Ломбардија, во северниот дел на земјата, со 11.489 нови случаи и соседниот Пиемонт со 4.437.